98
ڈی جی پاسپورٹ امیگریشن کی ہدایات پر نئے پاسپورٹس کی زیر التوا درخواستوں کو ہنگامی بنیادوں پر نمٹانے کے لیے اقدامات جاری ہیں۔
پاسپورٹ امیگریشن میں کافی عرصہ سے پاسپورٹس کی پرنٹنگ میں تاخیر کے مسائل درپیش ہونے پر ڈی جی پاسپورٹ امیگریشن مصطفیٰ جمال قاضی کی جانب سے فوری نوٹس لیا گیا۔
فاسٹ ٹریک کے علاوہ ارجنٹ کیٹگریز اور نارمل فیسوں کیساتھ جمع ہونے والی درخواستوں کو رواں مہینے تک مکمل کرنے کا ہدف جبکہ روزانہ کی بنیاد پر پرنٹنگ سے متعلق بھی رپورٹس جمع کروانے کی ہدایات جاری کردی گئیں۔
دوسری جانب حج درخواستوں کی وصولی اور پراسس کیلئے بھی الگ کائونٹرز قائم کرنے سے صارفین نے سکھ کا سانس لیا ہے۔
ذرائع کا کہنا ہے کہ ڈی جی پاسپورٹ امیگریشن کی جانب سے شعبہ پروڈکشن کو اس حوالے سے ٹارگٹس سونپ دیے گئے تھے تاکہ پاسپورٹس کی پرنٹنگ میں کسی قسم کی غفلت نہ برتی جاسکے۔
