378
منی لانڈرنگ کیس، مونس الہٰی کا شناختی کارڈ، پاسپورٹ بلاک کرنیکا حکم دے دیا گیا۔
اسپیشل سینٹرل عدالت نے ایف آئی اے منی لانڈرنگ کے مقدمے میں چوہدری مونس الہٰی سمیت 6 اشتہاری ملزمان کے شناختی کارڈ اور پاسپورٹ بلاک کرنے کا حکم دے دیا۔
جج تنویر احمد شیخ نے ایف آئی اے کے چالان پر سماعت کی۔ اشتہاری ملزمان میں فراست علی چھٹہ، امتیاز علی شاہ، مونس الہٰی، عامر سہیل، عامر فیاض شامل ہیں۔
عدالت نے 6 اشتہاری ملزمان کا نام پاسپورٹ کنٹرول لسٹ میں ڈالنے اور مونس الہٰی اور صغیم عباس کی جائیدادیں اور بینک اکاونٹس منجمد کرنے کا حکم دیدیا ہے۔
قصور میں واقع مونس الہٰی کی 26 کینال سے زائد اراضی منجمد کر دی گئی ہے جبکہ مونس الہٰی کے نام پر گلبرگ لاہور میں واقع 1 پلاٹ اور 1 گھر بھی منجمد کرنے کا حکم دیا گیا ہے۔
عدالت نے آئندہ سماعت پر عمل درآمد رپورٹس طلب کرتے ہوئے کارروائی 19 ستمبر تک ملتوی کر دی۔
