مارننگ شو میزبان نے حنا الطاف اور آغا علی کے درمیان طلاق کی تصدیق کردی

شوبز انڈسٹری سے تعلق رکھنے والی حسین اداکارہ حنا الطاف اور خاوند اداکار و گلوکار آغا علی نے اپنی راہیں جدا کرلیں ہیں۔

حنا الطاف اور آغا علی نے 2020 میں لاک ڈاؤن کے دورانرشتہ ازدواج میں منسلک ہوئے تھے اور اپنے نکاح کی خوشخبری اداکارہ نے اپنے انسٹاگرام کے آفیشل اکاؤنٹ سے بھی شیئرکی تھی۔

یہ بھی پڑھیں

سوشل میڈیا پر گزشتہ 2 سالوں سے جوڑے کے درمیان علیحدگی کی خبریں گردش کر رہی تھیں لیکن دونوں کی جانب سے کبھی ان خبروں پر جواب نہیں دیا گیا۔

تاہم حال ہی میں اینکر پرسن مدیحہ نقوی کی جانب سے اپنے مارننگ شو میں جوڑے کے درمیان طلاق کی تصدیق کر دی گئی ہے۔

مارننگ شو میں شگفتہ اعجاز اور ونیزہ احمد نے شرکت کی تھی اور ایک کھیل کے دوران مدیحہ نقوی نے دونوں کے درمیان طلاق کی تصدیق کردی۔