84
پشاور، رہنما تحریک انصاف اسد قیصر نے کہا کہ خواجہ آصف اور طلال چوہدری کی پریس کانفرنس سے واضح ہوگیا کہ انہیں فیصلے کا پہلے سے علم ہے۔
ایک بیان میں اسد قیصر نے وزیر دفاع خواجہ آصف اور طلال چوہدری کی پریس کانفرنس پر ردعمل میں کہا کہ واضح ہوگیا انہیں فیصلے کا پہلے سے علم ہے اور یہ بھی واضح ہوگیا کہ فیصلہ کہاں لکھا گیا ہے۔
بانی پی ٹی آئی عمران خان اور ان کی زوجہ بشریٰ بی بی کے خلاف 190 ملین پاؤنڈ ریفرنس کیس کے حوالے سے اسد قیصر کا کہنا تھا کہ شفاف ٹرائل نہیں ہوا، یہ سراسر سیاسی انتقامی کارروائی کا کیس ہے، حکمران اپنے مفاد کی خاطر 26 ویں آئینی ترمیم پاس کریں گے تو انصاف نہیں ہوگا؟
عمران خان نے کہا کہ سپریم کورٹ کو متنازع بنا کر من پسند فیصلے لیں گے تو انصاف کی توقع نہیں رکھنی چاہیے جب کہ فیصلے کا حکومت کو علم ہونا انصاف کا قتل ہے۔
دوسری جانب رہنما مسلم لیگ (ن) طلال چودھری کا کہنا ہے کہ سابق وزیراعظم عمران خان نے چوری چھپانے کے لیے القادر ٹرسٹ بنایا۔
