45
ٹڈاپ کرپشن کیس کی سماعت کے دوران چیئرمین سینیٹ یوسف رضا گیلانی اور وفاقی انسدادِ بدعنوانی عدالت کے جج کے درمیان دلچسپ تبادلہ خیال ہوا۔
چیئرمین سینیٹ یوسف رضا گیلانی کے خلاف ٹڈاپ کرپشن اسکینڈل کی سماعت اینٹی کرپشن کورٹ کراچی میں ہوئی۔
دورانِ سماعت عدالت نے استفسار کیا کہ آپ کس جیل میں جانا پسند کریں گے؟ کراچی، ملتان یا اسلام آباد؟ اس پر یوسف رضا گیلانی نے جواب دیا کہ مجھے جیل جانے کا کوئی خوف نہیں، ہمارے لیے یہ کوئی نیا تجربہ نہیں، اگر چاہیں تو مجھے پھانسی دے دیں، ان کے جواب پر جج مسکرا دیے۔
عدالت نے مزید پوچھا کہ آپ کو گھر میں نظر بندی کیوں پسند نہیں؟ جس پر یوسف رضا گیلانی نے کہا کہ میرا آبائی گھر ملتان میں ہے، فیملی لاہور میں جبکہ سینیٹ آفس اسلام آباد میں ہے۔
بعد ازاں، وفاقی انسدادِ بدعنوانی عدالت کے جج نے ریمارکس دیے کہ گیلانی صاحب، آپ پر کوئی الزام ثابت نہیں ہوا، اس لیے آپ کو باعزت بری کیا جاتا ہے، جبکہ آپ کے خلاف بیان دینے والے اب خود ملزم بن چکے ہیں۔
