81
لاہور، باٹا پور میں جائیداد کے تنازع پر 2 سوتیلے بھائیوں نے ایک دوسرے کو موت کے گھاٹ اتاردیا۔
پولیس کے مطابق سوتیلے بھائیوں میں جائیداد کے بٹوارے پر جھگڑا ہوا تو دونوں نے فائرنگ کردی جس کے نتیجے میں دونوں مارے گئے۔
پولیس کا بتانا ہے کہ مقتولین میں 34 سالہ سیف اسلم اور 25 سالہ ارسلان اقبال شامل ہیں جب کہ فائرنگ سے ایک شخص زخمی بھی ہوا جس کی شناخت مرسلین کے نام سے ہوئی۔
پولیس کے مطابق فائرنگ میں ملوث 3 ملزمان کو گرفتار کرلیا جبکہ مقتولین کی لاشیں پوسٹ مارٹم کے لیے ڈیڈ ہاؤس منتقل کردی گئی ہیں۔
دوسری جانب ہوائی فائرنگ سے بچی کی ہلاکت پر ملزم پولیس کانسٹیبل دلہا کو جوڈیشل ریمانڈ پرجیل بھیج دیا گیا۔
جوڈیشل مجسٹریٹ غربی کی جانب سے شادی کی تقریب میں ہوائی فائرنگ سے بچی کی ہلاکت کے مقدمے میں ملزم پولیس کانسٹیبل دلہا کو جوڈیشل ریمانڈ پر جیل بھیج دیا گیا۔
