45 کراچی، بلدیہ مواچھ گوٹھ میں تین سالہ بچہ کھلے مین ہول میں گر کر جاں بحق ہوگیا۔
کراچی، بلدیہ مواچھ گوٹھ میں تین سالہ بچہ کھلے مین ہول میں گر کر جاں بحق ہوگیا۔
نجی ٹی وی کے مطابق کمسن بچہ اچانک لاپتا ہوگیا، جس کی تلاش کے دوران معلوم ہوا کہ وہ کھلے مین ہول میں گر چکا ہے۔ واقعے کی اطلاع ملتے ہی ریسکیو ٹیمیں موقع پر پہنچیں اور بچے کی لاش نکال لی۔
بچے کے اہل خانہ کا کہنا ہے کہ مین ہول پر ڈھکن نہ ہونے کے باعث بچہ کھیلتے ہوئے اس میں گر گیا۔
پولیس نے عبدالرحمان نامی بچے کی لاش سول اسپتال منتقل کی، قانونی کارروائی مکمل ہونے کے بعد میت ورثا کے حوالے کردی گئی۔
غمزدہ اہل خانہ نے حب ریور روڈ پر احتجاج کرتے ہوئے سڑک کو ٹریفک کے لیے بند کر دیا، جس سے آمدورفت متاثر ہوئی،بعد ازاں پولیس کی مداخلت اور مذاکرات کے بعد سڑک کو دوبارہ کھول دیا گیا۔
