تھانہ سوہاوہ پولیس نے جرائم پیشہ پیجا ڈکیت گینگ کے دو خطرناک ملزمان کو گرفتار کر کے اسلحہ اور نقدی برآمد کر لی، مزید تفتیش جاری۔
سوہاوہ، تھانہ سوہاوہ پولیس نے جرائم پیشہ عناصر کے خلاف بڑی کامیابی حاصل کرتے ہوئے خطرناک پیجا ڈکیت گینگ کے دو اہم ملزمان کو گرفتار کر لیا۔
پولیس کارروائی ایس ایچ او تھانہ سوہاوہ کی قیادت میں عمل میں لائی گئی، جس میں گرفتار ملزمان کی شناخت پرویز خان اور قاسم کے نام سے ہوئی ہے۔
پولیس کے مطابق، دونوں ملزمان مختلف وارداتوں میں ملوث تھے اور ان کے قبضے سے واردات کے دوران چھینی گئی رقم 30 ہزار روپے اور ایک 30 بور پستول بمعہ ایمونیشن بھی برآمد ہوا ہے، جو وارداتوں میں استعمال ہوتا رہا ہے۔
حکام کا کہنا ہے کہ دونوں ملزمان کے خلاف مقدمات درج کر لیے گئے ہیں اور مزید تفتیش کا عمل جاری ہے۔ پولیس کا مؤقف ہے کہ ٹھوس شواہد کی بنیاد پر دونوں کو عدالت میں چالان کیا جائے گا تاکہ انہیں قانون کے مطابق سخت سزا دلوائی جا سکے۔
یاد رہے کہ سوہاوہ اور گرد و نواح کے علاقوں میں گزشتہ کچھ عرصے سے ڈکیتی اور جرائم کی وارداتوں میں اضافہ دیکھنے میں آیا تھا، جس پر مقامی پولیس نے خصوصی ٹیمیں تشکیل دے کر منظم گروہوں کے خلاف کریک ڈاؤن شروع کیا۔ حالیہ کامیابی اسی تسلسل کی کڑی ہے، جس سے علاقے میں امن و امان کی صورتحال بہتر بنانے میں مدد ملے گی۔
