سوہاوہ: اسسٹنٹ کمشنر غزالہ اصغر کی القادر یونیورسٹی میں مارکیٹنگ گالا اور انٹر کالج مقابلوں میں شرکت

تازہ ترین خبروں اور تبصروں کیلئے ہمارا وٹس ایپ چینل جوائن کریں

سوہاوہ (نیوز ڈیسک) اسسٹنٹ کمشنر سوہاوہ غزالہ اصغر نے القادر یونیورسٹی سوہاوہ میں منعقدہ مارکیٹنگ گالا اور انٹر کالج مقابلوں میں شرکت کی، جہاں انہوں نے طلبہ و طالبات کی جانب سے لگائے گئے مختلف اسٹالز کا معائنہ کیا۔

latest urdu news

اس موقع پر اسسٹنٹ کمشنر سوہاوہ نے طلبہ کی جانب سے لگائے گئے چھوٹے کاروباری اسٹالز، تخلیقی آئیڈیاز اور پیشکش کے انداز کی تعریف کی اور ان کے حوصلہ افزائی کی۔

غزالہ اصغر کا کہنا تھا کہ اس نوعیت کی سرگرمیاں نہ صرف طلبہ کے اعتماد میں اضافے کا باعث بنتی ہیں بلکہ انہیں عملی زندگی، مارکیٹنگ اور کاروبار کے بنیادی تصورات سے روشناس کراتی ہیں۔ انہوں نے زور دیا کہ طلبہ کی نمائش، تخلیقی صلاحیتوں اور اعتماد کی سطح کو بڑھانے کے لیے ایسے مقابلوں اور ایونٹس کا کثرت سے انعقاد کیا جانا چاہیے۔

ان کا مزید کہنا تھا کہ تعلیمی اداروں میں اس طرح کے مثبت اور تعمیری پروگرام مستقبل کے باصلاحیت نوجوانوں کی تربیت میں اہم کردار ادا کرتے ہیں۔

شیئر کریں:

ہمیں فالو کریں

frontpage hit counter