7
جہلم میں وزیراعلیٰ پنجاب مریم نواز کی گرین ٹریکٹر اسکیم کے تحت 39 کسانوں میں گرین ٹریکٹر تقسیم کیے گئے۔
جہلم میں کسانوں میں ٹریکٹر تقسیم کرنے کی تقریب میں وزیر مملکت برائے خزانہ بلال اظہر کیانی نے جہلم، دینہ اور سوہاوہ کے کسانوں کو ٹریکٹر دیے۔
بلال اظہر کیانی نے تقریب سے خطاب کرتے ہوئے کہا کہ کسانوں کو ٹریکٹرز پر سبسڈی دے کر پنجاب میں زراعت کو فروغ دیا جا رہا ہے، ای میکنائزیشن کا عمل صوبے میں زراعت کے نئے دور کا آغاز ہے اور کسانوں کی ترقی زراعت اور پاکستان کی ترقی سے جڑی ہے۔
انہوں نے مزید کہا کہ زراعت پاکستان اور صنعتی ترقی کی ریڑھ کی ہڈی ہے، سپر سیڈرز سمیت جدید زرعی مشینری کے استعمال سے صوبے میں جدید زراعت کو فروغ مل رہا ہے، جبکہ وزیراعظم کی توجہ نوجوانوں کو روزگار فراہم کرنے اور ملکی معاشی ترقی پر مرکوز ہے۔
