جہلم: ڈپٹی کمشنر جہلم میر رضا اوزگن کی خصوصی ہدایت پر پنجاب فوڈ اتھارٹی نے ضلع بھر میں فوڈ سیفٹی قوانین پر عملدرآمد یقینی بنانے کے لیے بڑے پیمانے پر کارروائیاں کیں۔ ان اقدامات کا مقصد شہریوں کو معیاری، محفوظ اور صحت بخش خوراک کی فراہمی کو یقینی بنانا ہے۔
ڈپٹی ڈائریکٹر فرحان وسیم کی سربراہی میں ٹیم نے مجموعی طور پر 75 انسپیکشنز کیں۔ صفائی کے ناقص انتظامات پر 33 فوڈ بزنس آپریٹرز کو بہتری کے نوٹس جاری کیے گئے، جبکہ فوڈ سیفٹی قوانین کی سنگین خلاف ورزیوں پر 8 مراکز پر مجموعی طور پر 1 لاکھ 15 ہزار روپے کے جرمانے عائد کیے گئے۔
مزید برآں، انسانی صحت کے لیے مضر 45 لیٹر کاربونیٹڈ ڈرنکس اور 15 کلوگرام زائد المیعاد اشیاء برآمد کر کے موقع پر تلف کر دی گئیں۔ ڈپٹی کمشنر میر رضا اوزگن نے واضح کیا کہ ملاوٹ، ناقص صفائی اور غیر معیاری خوراک کے خلاف بلاامتیاز کارروائیاں جاری رہیں گی اور عوامی صحت پر کسی صورت سمجھوتہ نہیں کیا جائے گا۔
