ایف آئی اے نے سیالکوٹ ائرپورٹ پر جعلی یونان ریزیڈنٹ کارڈ پیش کرنے والے جہلم کے مسافر کو آف لوڈ کیا، قانونی کارروائی شروع۔
سیالکوٹ ائرپورٹ پر ایف آئی اے امیگریشن نے کارروائی کرتے ہوئے جعلی دستاویزات کے ذریعے بیرون ملک جانے والے مسافر کو آف لوڈ کر دیا۔
ایف آئی اے کے مطابق مسافر کی شناخت عمر فاروق کے نام سے ہوئی، جو فلائٹ نمبر G9553 کے ذریعے یونان جا رہا تھا۔ مسافر کے پیش کردہ یونان ریزیڈنٹ کارڈ کی جانچ کے دوران اسے جعلی قرار دیا گیا۔
ابتدائی تحقیقات میں معلوم ہوا کہ مسافر نے دینہ کے رہائشی ایجنٹ سے یہ کارڈ حاصل کیا، جس کے عوض ایجنٹ نے 13 لاکھ روپے وصول کیے۔ مسافر کو ایجنٹ کی نشاندہی اور مزید قانونی کارروائی کے لیے اینٹی ہیومن ٹریفکنگ سرکل گجرات کے حوالے کر دیا گیا ہے۔
جہلم میں پروفیسر اغواء کیس، پولیس کی بڑی کارروائی، 4 ملزمان گرفتار
ایف آئی اے نے شہریوں سے اپیل کی ہے کہ اپنی ذاتی دستاویزات غیر متعلقہ افراد کے حوالے نہ کریں اور ویزا یا ریزیڈنسی کارڈ کے حصول کے لیے ہمیشہ متعلقہ ملک کی ایمبیسی یا سفارتخانے سے رابطہ کریں۔
یاد رہے کہ یہ کارروائی غیر قانونی ذرائع سے بیرون ملک جانے کی روک تھام اور انسانی اسمگلنگ کے خلاف جاری کوششوں کا حصہ ہے۔
