تھانہ للہ (ضلع جہلم) میں ڈسٹرکٹ پولیس آفیسر (ڈی پی او) جہلم طارق عزیز سندھو کی زیر صدارت کھلی کچہری کا انعقاد کیا گیا، جس میں شہریوں کی بڑی تعداد نے شرکت کی۔ کھلی کچہری میں عوام نے اپنے مسائل پیش کیے جن کی سماعت ڈی پی او نے خود کی۔
ڈی پی او طارق عزیز سندھو کا کہنا تھا کہ کھلی کچہریوں کا مقصد پولیس افسران کو عوام کے سامنے جوابدہ بنانا اور عوامی شکایات کا فوری ازالہ کرنا ہے۔ انہوں نے متعلقہ افسران کو ہدایت کی کہ سائلین کے مسائل کو ترجیحی بنیادوں پر حل کیا جائے تاکہ شہریوں کو بروقت انصاف میسر آ سکے۔
کھلی کچہری میں موصول ہونے والی درخواستوں کا ریکارڈ کمپلینٹ مینجمنٹ سسٹم (CMS) پر محفوظ کیا جاتا ہے، جس کے تحت ہر درخواست پر مقرر کردہ ٹائم لائن کے مطابق کارروائی کی جاتی ہے اور متعلقہ افسران سے باقاعدہ فالو اپ لیا جاتا ہے۔
جہلم میں موبائل کی قسط نہ دینے پر الیکٹرونکس کمپنی کے منیجر کا غریب مزدور پر تشدد
ڈی پی او جہلم نے کہا کہ پولیس کا مقصد صرف جرائم کی روک تھام نہیں بلکہ عوام کا اعتماد بحال کرنا اور ان کی داد رسی کو یقینی بنانا بھی اولین ترجیح ہے۔ کھلی کچہریوں کا انعقاد اسی سلسلے کی ایک اہم کڑی ہے، جس سے عوام اور پولیس کے درمیان رابطے مزید بہتر ہو رہے ہیں۔
