34
چکوال کے علاقے تلہ گنگ میں ایک افسوسناک ٹریفک حادثہ پیش آیا جہاں مسافروں سے بھری بس گہری کھائی میں جاگری، جس کے نتیجے میں 5 افراد جاں بحق جبکہ 27 مسافر زخمی ہوگئے۔
ریسکیو حکام کے مطابق حادثے کا شکار ہونے والی بس اسلام آباد سے کراچی جا رہی تھی۔ یہ واقعہ جی ٹی روڈ پر ڈھوک پٹھان کے قریب پیش آیا، جہاں بس تیز رفتاری کے باعث ڈرائیور کے قابو سے نکل کر کھائی میں جاگری۔
اطلاع ملتے ہی ریسکیو ٹیمیں موقع پر پہنچ گئیں اور جاں بحق افراد کی لاشوں اور زخمیوں کو قریبی اسپتال منتقل کیا گیا۔ حکام کے مطابق زخمیوں میں 7 خواتین بھی شامل ہیں، جنہیں طبی امداد فراہم کی جا رہی ہے۔
خانیوال کے قریب موٹروے ایم-4 پر خوفناک حادثہ، بس ہوسٹس جاں بحق، 9 افراد زخمی
حادثے کی وجوہات جاننے کے لیے تحقیقات شروع کر دی گئی ہیں۔
