ڈی پی او جہلم کی ہدایت پر سٹی پولیس کی کارروائی، اقدامِ قتل کی ملزمہ گرفتار، عدالت میں چالان پیش کیا جائے گا
ڈی پی او جہلم طارق عزیز سندھو کی خصوصی ہدایات پر تھانہ سٹی پولیس نے ایک اہم کارروائی کرتے ہوئے اقدامِ قتل کے مقدمے میں ملوث خاتون ملزمہ کو گرفتار کر لیا ہے۔
پولیس ذرائع کے مطابق ایس ایچ او تھانہ سٹی اور ان کی ٹیم نے بروقت اور پیشہ ورانہ کارروائی کے ذریعے ملزمہ کو ٹھوس شواہد کی بنیاد پر حراست میں لیا، اور اب مقدمے کا چالان جلد عدالت میں جمع کروا دیا جائے گا تاکہ ملزمہ کو قرار واقعی سزا دلوائی جا سکے۔
ڈسٹرکٹ پولیس آفیسر جہلم طارق عزیز سندھو نے اس کامیاب کارروائی پر پولیس ٹیم کو سراہا اور واضح کیا کہ سنگین نوعیت کے مقدمات میں ملوث ملزمان کے ساتھ کسی قسم کی نرمی نہیں برتی جائے گی۔ انہوں نے کہا کہ جہلم پولیس شہریوں کے جان و مال کے تحفظ کے لیے ہر ممکن اقدامات اٹھا رہی ہے اور قانون شکن عناصر کے خلاف زیرو ٹالرنس پالیسی پر عمل پیرا ہے۔
پولیس حکام کے مطابق مقدمے کی تفتیش میرٹ پر کی جا رہی ہے اور تمام شواہد عدالت کے سامنے رکھے جائیں گے تاکہ انصاف کے تقاضے پورے ہوں۔ اس کارروائی سے یہ پیغام دیا گیا ہے کہ قانون سے بالاتر کوئی نہیں اور سنگین جرائم میں ملوث افراد کو کیفرِ کردار تک پہنچایا جائے گا۔
