ڈپٹی کمشنر جہلم میر رضا اوزگن کی ہدایت پر اسسٹنٹ کمشنر دینہ صفا عابد نے اراضی ریکارڈ مرکز دینہ کا اچانک دورہ کیا۔ دورے کا مقصد سائلین کو فراہم کی جانے والی سہولیات اور فرد و انتقال کے عمل کا جائزہ لینا تھا۔
دورے کے دوران اسسٹنٹ کمشنر صفا عابد نے ریکارڈ کی کمپیوٹرائزیشن، عملے کی حاضری اور مجموعی کارکردگی کا معائنہ کیا۔ انہوں نے موقع پر موجود سائلین سے ملاقات کر کے ان کے مسائل سنے اور متعلقہ عملے کو ہدایت کی کہ عوام کو بلاوجہ انتظار نہ کروایا جائے اور تمام معاملات میرٹ اور شفافیت کے ساتھ نمٹائے جائیں۔
اسسٹنٹ کمشنر نے اراضی ریکارڈ مرکز کے انتظام و انصرام کو مزید بہتر بنانے کے لیے متعلقہ افسران کو ضروری احکامات جاری کیے۔ انہوں نے واضح کیا کہ عوام کو ریونیو سے متعلق خدمات کی بروقت اور شفاف فراہمی ضلعی انتظامیہ کی اولین ترجیح ہے اور اس ضمن میں کسی قسم کی غفلت برداشت نہیں کی جائے گی۔
5
