’پیچے تو دیکھو پیچے‘ سے شہرت حاصل کرنے والے پاکستان کے سوشل میڈیا اسٹار احمد شاہ کے چھوٹے بھائی عمر شاہ کے انتقال کی افسوسناک خبر سامنے آئی ہے۔ پیر کی صبح احمد شاہ نے اپنے فیس بک اکاؤنٹ پر مداحوں کو اطلاع دی کہ ان کے چھوٹے بھائی پیر عمر شاہ کا انتقال ہو گیا ہے۔
اہلخانہ کے مطابق عمر شاہ صحت مند تھے، لیکن اچانک رات کے وقت ان کی طبیعت خراب ہو گئی اور انہیں الٹی آئی۔ الٹی کے باعث کوئی چیز ان کی سانس کی نالی میں چلی گئی، جس کے بعد انہیں فوری طور پر سول اسپتال لے جایا گیا، مگر بدقسمتی سے وہ صبح فجر کے وقت زندگی کی بازی ہار گئے۔
مشہور چائلڈ اسٹار احمد شاہ کے بھائی عمر شاہ کا انتقال
عمر شاہ گزشتہ سال جولائی میں اپنی آنکھوں کی سرجری بھی کروا چکے تھے اور نجی ٹی وی چینل کی رمضان ٹرانسمیشن میں اپنے بڑے بھائی احمد شاہ کے ساتھ شرکت کرتے تھے۔
یہ خبر سوشل میڈیا اور ان کے مداحوں کے لیے ایک بہت بڑا صدمہ ہے۔
