ذاتی زندگی پر تنقید کا جواب نہیں دیتی، خاموشی کو کمزوری نہ سمجھا جائے: طوبیٰ انور

کراچی، معروف اداکارہ طوبیٰ انور نے کہا ہے کہ ذاتی زندگی پر ہونے والی تنقید کا جواب دینا مناسب نہیں سمجھتی، اس لیے ہمیشہ خاموشی اختیار کی، تاہم اس کا یہ مطلب ہرگز نہیں کہ الزامات یا تبصرے درست ہیں۔

پوڈکاسٹ میں گفتگو کرتے ہوئے طوبیٰ انور نے بتایا کہ وہ ابتدائی طور پر پروڈکشن اور کارپوریٹ سیکٹر میں کام کر رہی تھیں لیکن قسمت نے اداکاری کی طرف موڑ دیا، حالانکہ اداکاری میں کوئی خاص دلچسپی نہیں تھی۔

یہ بھی پڑھیں

سوشل میڈیا پر ملنے والی بے جا تنقید سے متعلق سوال پر انہوں نے اعتراف کیا کہ ایسی باتیں ذہنی صحت کو متاثر کرتی ہیں، لیکن اب انہوں نے فیصلہ کر لیا ہے کہ منفی تبصروں پر توجہ نہیں دیں گی۔

اداکارہ نے واضح کیا کہ "میں نے کبھی ذاتی زندگی سے متعلق تنقید یا الزامات کا جواب نہیں دیا، کیونکہ میں نہیں چاہتی کہ گھر کی باتیں عوامی سطح پر آئیں۔ میری خاموشی کو لوگ کمزوری نہ سمجھیں، یہ میرا ذاتی فیصلہ ہے کہ میں اس پر بات نہیں کرنا چاہتی۔”