ٹک ٹاک نے 3 ماہ میں پاکستانی صارفین کی 2.5 کروڑ سے زائد ویڈیوز ڈیلیٹ کر دیں

تازہ ترین خبروں اور تبصروں کیلئے ہمارا وٹس ایپ چینل جوائن کریں

ویڈیو شیئرنگ ایپ ٹک ٹاک نے 2025 کی دوسری سہ ماہی میں پاکستانی صارفین کی 2 کروڑ 54 لاکھ 48 ہزار سے زائد ویڈیوز پلیٹ فارم سے ہٹا دی ہیں۔

یہ ڈیلیٹ کی جانے والی ویڈیوز کمیونٹی گائیڈ لائنز کی خلاف ورزی پر ہٹائی گئی ہیں۔ کمپنی کی رپورٹ کے مطابق، دنیا بھر میں اپریل تا جون 2025 کے دوران 18 کروڑ 90 لاکھ سے زائد ویڈیوز کو بھی پلیٹ فارم سے حذف کیا گیا، جس میں سے 16 کروڑ 39 لاکھ ویڈیوز کو خودکار نظام کے ذریعے شناخت کر کے ڈیلیٹ کیا گیا۔

latest urdu news

رپورٹ میں بتایا گیا ہے کہ حذف کی گئی ویڈیوز میں:

  • 30.6 فیصد حساس یا بالغ موضوعات پر مشتمل تھیں،
  • 14 فیصد ویڈیوز پلیٹ فارم کے تحفظ اور شائستگی کے معیارات کی خلاف ورزی کرتی تھیں،
  • 6.1 فیصد ویڈیوز پرائیویسی اور سیکیورٹی ہدایات کی خلاف ورزی پر مبنی تھیں،
  • 45 فیصد ویڈیوز غلط معلومات کے طور پر رپورٹ کی گئی تھیں،
  • 23.8 فیصد ویڈیوز ترمیم شدہ میڈیا یا اے آئی سے تیار شدہ تھیں۔

کمپنی نے بتایا کہ پاکستانی صارفین کی خلاف ورزی کرنے والی 96.3 فیصد ویڈیوز کو 24 گھنٹوں کے اندر ڈیلیٹ کر دیا گیا، جبکہ جعلی اور کم عمر صارفین کے 9.19 کروڑ سے زائد اکاؤنٹس بھی حذف کیے گئے۔

ٹک ٹاک کے مطابق یہ اقدامات صارفین کے تحفظ اور کمیونٹی گائیڈ لائنز کے نفاذ کے لیے کیے جا رہے ہیں۔

شیئر کریں:

ہمیں فالو کریں

frontpage hit counter