31
صوابی: خیبرپختونخوا کے ضلع صوابی میں سوشل میڈیا پر لڑکی کا روپ دھارنے والے ٹک ٹاکر کی حقیقت سامنے آگئی۔ پولیس نے کارروائی کرتے ہوئے مذکورہ نوجوان کو گرفتار کر لیا۔
پولیس ترجمان کے مطابق ملزم عبدالمغیز خواتین کا لباس پہن کر مختلف پوز میں نازیبا ویڈیوز تیار کرتا اور انہیں سوشل میڈیا پر شیئر کرتا تھا، جس سے معاشرے میں بے چینی اور رنجش پیدا ہو رہی تھی۔
چوکی بامخیل کے انچارج عامر خان نے فوری کارروائی کرتے ہوئے ملزم کو اس کے علاقے بامخیل سے گرفتار کیا۔ ترجمان نے بتایا کہ دورانِ تفتیش ملزم نے اعتراف جرم کرتے ہوئے وعدہ کیا ہے کہ آئندہ ایسی غیر اخلاقی سرگرمیوں سے باز رہے گا۔
