بالی ووڈ کے معروف گلوکار سونو نگم نے اپنی فنی کامیابی کا سہرا پاکستان کے لیجنڈری فوک گلوکار عطا اللہ عیسیٰ خیلوی کے سر باندھ دیا ہے۔
ایک بھارتی صحافی کے پوڈکاسٹ میں گفتگو کرتے ہوئے سونو نگم نے کہا کہ عطا اللہ عیسیٰ خیلوی نہ صرف ایک عظیم گلوکار ہیں بلکہ ایک خوبصورت انسان بھی ہیں۔ سونو نگم نے انکشاف کیا کہ انہوں نے اپنے گلوکاری کے کیریئر کا آغاز عطا اللہ عیسیٰ خیلوی کے مشہور گانے "اچھا صلہ دیا تو نے میرے پیار کا” سے کیا تھا، جو ان کے لیے شہرت کا باعث بنا۔
سونو نگم نے ایک جذباتی لمحے کا ذکر کرتے ہوئے کہا کہ ان کی زندگی کا ایک یادگار واقعہ وہ تھا جب وہ صرف 19 سال کے تھے اور عطا اللہ عیسیٰ خیلوی نے خود پاکستان سے فون کر کے ان کے گائے گئے گانے کی تعریف کی۔ سونو کے مطابق، عطا اللہ نے کہا تھا: "مسٹر سونو، میں پاکستان سے عطا اللہ عیسیٰ خیلوی بات کر رہا ہوں، آپ نے میرا گانا بہت اچھا گایا ہے۔”
بالی ووڈ نے ایک اور پاکستانی گانا کاپی کرلیا
سونو نگم نے گفتگو کے اختتام پر کہا کہ وہ ہر اس شخصیت کے شکر گزار ہیں جنہوں نے انہیں کامیابی کی راہ پر گامزن کرنے میں مدد دی۔ انہوں نے ایک بار پھر اعادہ کیا کہ "اچھا صلہ دیا” ان کے کیریئر کا ٹرننگ پوائنٹ ثابت ہوا، اور عطا اللہ عیسیٰ خیلوی ہمیشہ ان کے لیے عزت و محبت کا مقام رکھتے ہیں۔
