26
اسلام آباد کی ڈسٹرکٹ اینڈ سیشن عدالت میں سوشل میڈیا انفلوئنسر ثناء یوسف قتل کیس کی سماعت ہوئی، جس دوران ملزم عمر حیات پر فردِ جرم عائد کر دی گئی۔
ایڈیشنل سیشن جج محمد افضل مجوکہ نے کیس کی سماعت کی۔ عدالت میں جج نے استفسار کیا کہ کیا آپ نے ثناء یوسف کو قتل کیا ہے؟ جس پر ملزم عمر حیات نے صحتِ جرم سے انکار کرتے ہوئے کہا کہ "میں نے ایسا کوئی جرم نہیں کیا، یہ سب جھوٹ ہے”۔
جج نے مزید پوچھا کہ آپ پر الزام ہے کہ آپ نے مقتولہ کا موبائل فون بھی چھینا، جس پر ملزم نے مؤقف اختیار کیا کہ تمام الزامات بے بنیاد ہیں۔
ٹک ٹاکر ثنا یوسف قتل کیس: والدہ اور پھوپھی نے ملزم عمر حیات کی شناخت کرلی
عدالت نے فردِ جرم عائد کرنے کے بعد کیس کی مزید سماعت 25 ستمبر تک ملتوی کر دی۔
واضح رہے کہ ملزم عمر حیات کے خلاف تھانہ سنبل میں قتل کا مقدمہ درج ہے۔
