پاکستان کی سینئر اداکارہ صبا فیصل حالیہ دنوں میں اپنے ایک بیان کی وجہ سے سوشل میڈیا صارفین کی تنقید کا نشانہ بن گئیں۔
صبا فیصل، جو کہ شوبز انڈسٹری کی معروف اور تجربہ کار اداکارہ ہیں، اکثر ٹی وی پروگرامز میں شادی اور گھریلو زندگی کے مسائل پر رائے دیتی رہتی ہیں۔
حال ہی میں وہ ایک نجی ٹی وی چینل کے مارننگ شو میں شریک ہوئیں، جہاں انہوں نے سسرال میں نئی دلہن کے حوالے سے گفتگو کی۔
اداکارہ نے کہا کہ شادی کے بعد سسرال میں سب لوگ مہمان ہوتے ہیں اور ساس پر مہمانوں اور دیگر کاموں کی ذمہ داری ہوتی ہے، جبکہ آنے والی دلہن پر کوئی ذمہ داری نہیں ہوتی۔
انہوں نے یہ بھی کہا کہ اگر نئی دلہن کو آرام کی ضرورت ہو تو وہ ساس یا شادی شدہ نند سے اجازت لے سکتی ہے۔
صبا فیصل نے گھر میں جھگڑے کی وجہ گھریلو ملازماؤں کو قرار دے دیا
صبا فیصل نے وضاحت کی کہ بات کرنے کا انداز اہم ہوتا ہے؛ اگر لڑکی براہ راست حکم دے تو یہ سسرال میں قبول نہیں کیا جائے گا، لیکن پوچھنے کی صورت میں حتیٰ کہ سخت ساس بھی آرام کی اجازت دے سکتی ہے۔
اداکارہ کے اس بیان کے بعد سوشل میڈیا پر صارفین نے اپنے خیالات کا اظہار کیا اور ان کے موقف پر تنقید کی، جس سے یہ موضوع بحث کا مرکز بن گیا۔
