پاکستان کی سینئر اداکارہ ریشم نے اداکارہ دیدار کی جانب سے لگائے گئے الزامات پر شدید ردعمل دیتے ہوئے کہا ہے کہ تنقید کرنے والوں کی اپنی کوئی واضح پہچان نہیں۔
حال ہی میں دیدار نے ایک نجی ٹی وی پروگرام میں ریشم پر منفی رویے اور لوگوں کی زندگیاں متاثر کرنے کے الزامات عائد کیے تھے۔ اس بیان کے بعد شوبز حلقوں میں بحث چھڑ گئی تھی۔
ایک انٹرویو میں ریشم نے بغیر نام لیے تنقید کا جواب دیتے ہوئے کہا کہ کچھ لوگوں کو ان کے فلاحی کام، خصوصاً لنگر سے مسئلہ ہے۔ انہوں نے کہا کہ جب وہ خود ایسے کام نہیں کر رہے تو دوسروں پر تنقید کیوں کی جا رہی ہے۔
خلیل الرحمان میں اتنا تکبر اور حقارت ہے وہ اپنے منہ کی کھارہے ہیں، اداکارہ ریشم
ریشم کا مزید کہنا تھا کہ جو لوگ ان پر تنقید کر رہے ہیں، وہ خود اپنی پہچان بنانے میں ناکام رہے ہیں۔ انہوں نے واضح کیا کہ وہ اپنی فلاحی سرگرمیاں جاری رکھیں گی اور منفی باتوں پر توجہ نہیں دیں گی۔
