پاکستان کے معروف یوٹیوبر اور سوشل میڈیا انفلوئنسر رجب بٹ ایک بار پھر تنازعات کی زد میں آ گئے ہیں۔
فیملی ولاگز، لگژری لائف اسٹائل اور متنازع حرکات کی وجہ سے شہرت حاصل کرنے والے رجب بٹ کے یوٹیوب پر 82 لاکھ سے زائد سبسکرائبرز اور انسٹاگرام پر 27 لاکھ سے زیادہ فالوورز ہیں۔
رجب بٹ نے دسمبر 2024 میں ایمان بٹ سے شادی کی تھی، اور 2025 میں ان کے ہاں پہلے بچے کی پیدائش ہوئی تھی۔
رجب بٹ اس وقت پاکستان میں بیٹنگ ایپس کے فروغ کے الزام میں مقدمات کا سامنا کر رہے تھے، تاہم وہ حال ہی میں برطانیہ منتقل ہو چکے ہیں۔
چند روز قبل متعدد خواتین نے الزام عائد کیا کہ ان کے رجب بٹ کے ساتھ ناجائز تعلقات رہے ہیں، جن میں سے کچھ تعلقات شادی کے بعد بھی جاری رہے۔
طلاق سے متعلق افواہوں پر فیروز خان کی اہلیہ کا اہم بیان سامنے آگیا
اس معاملے پر ردعمل دیتے ہوئے رجب بٹ کی والدہ نے اپنے بیٹے کا دفاع کیا اور کہا: "مجھے بھی دکھ ہوا جب میں نے اس کا ولاگ دیکھا۔ جب اس نے اپنے تعلقات کا اعتراف کیا تو میں افسردہ ہوئی، مگر میں جانتی ہوں کہ ہر انسان، خاص طور پر لڑکوں کا، ایک ماضی ہوتا ہے۔ ہمیں ان لوگوں کو معاف کر دینا چاہیے جو سچے دل سے اللہ سے توبہ کرتے ہیں۔ اللہ بہت مہربان ہے اور خلوص دل سے توبہ کرنے والوں کو معاف کر دیتا ہے۔”
ان کے اس بیان پر سوشل میڈیا صارفین نے شدید ردعمل دیا۔ متعدد صارفین نے کہا کہ یہ "روایتی دیسی ماں” کا رویہ ہے جو بیٹے کی غلطیوں کا دفاع کرتی ہے، جب کہ کچھ نے ان کے مؤقف کو معافی اور توبہ کے اسلامی جذبے سے جوڑا۔
