پاکستان کی معروف ٹی وی میزبان Rabia Anum نے انکشاف کیا ہے کہ انہیں شادی سے قبل ایک مشہور رمضان ٹرانسمیشن ہوسٹ کی جانب سے پروپوزل موصول ہوا تھا، تاہم یہ رشتہ آگے نہ بڑھ سکا۔
حال ہی میں ایک انٹرویو کے دوران جب میزبان نے ان سے اس حوالے سے سوال کیا تو وہ پہلے حیران رہ گئیں اور کہا کہ اس نوعیت کا سوال پہلی بار کسی شو میں ان سے پوچھا گیا ہے۔ بعد ازاں انہوں نے میزبان کی تحقیق کو سراہتے ہوئے اس بات کی تصدیق کی کہ ایسا واقعہ ماضی میں پیش آیا تھا۔
رابعہ انعم کے مطابق مذکورہ میزبان نے براہِ راست ان کی فیملی سے رابطہ کر کے شادی کی پیشکش کی تھی۔ تاہم انہوں نے اس معاملے کی مزید تفصیلات بتانے سے گریز کیا اور میزبان کا نام ظاہر نہیں کیا۔
فضا علی سے تنازع: ڈاکٹر نبیہا کے شوہر حارث کھوکھر کا سخت ردعمل سوشل میڈیا پر وائرل
انہوں نے بتایا کہ کچھ ذاتی وجوہات کی بنا پر انہوں نے اس رشتے سے انکار کیا، جبکہ ان کی فیملی نے بھی اس فیصلے کی حمایت کی۔ ان کے مطابق اسی وجہ سے یہ معاملہ آگے نہیں بڑھ سکا۔
