فلسطین کی تاریخ میں پہلی بار ایک خوبرو دوشیزہ عالمی حسن کے سب سے بڑے مقابلے مس یونیورس 2025 میں شریک ہونے جا رہی ہے۔ نادین ایوب، جو "مس یونیورس فلسطین” کا اعزاز رکھتی ہیں، نومبر میں تھائی لینڈ میں ہونے والے اس ایونٹ میں فلسطینی عوام کی نمائندگی کریں گی۔
مس یونیورس کا یہ سالانہ عالمی مقابلہ 21 نومبر کو تھائی لینڈ میں منعقد ہوگا، جس میں دنیا بھر سے 130 ممالک کی حسینائیں شریک ہوں گی۔ پہلی بار فلسطین بھی اس عالمی تقریب میں باقاعدہ نمائندگی کرے گا، جسے ایک تاریخی پیشرفت کے طور پر دیکھا جا رہا ہے۔
نادین ایوب نہ صرف اپنی خوبصورتی بلکہ تعلیمی پس منظر میں بھی نمایاں ہیں۔ وہ ادب اور نفسیات میں ڈگری یافتہ ہیں، اور وہ اپنے ملک کی ثقافت، شناخت اور جدوجہد کو دنیا کے سامنے اجاگر کرنے کا عزم رکھتی ہیں۔
انہوں نے ایک بیان میں کہا، "میں مظلوم فلسطینیوں کی نمائندہ ہوں جنہیں مسلسل قتل عام اور ناانصافی کا سامنا ہے۔ میری شرکت صرف ایک مقابلہ نہیں بلکہ ایک پیغام ہے کہ اب فلسطینی آواز ہر عالمی فورم پر گونجے گی۔”
حماس کی غزہ کا انتظام عبوری فلسطینی انتظامیہ کے سپرد کرنے پر آمادگی، پاکستان کا خیر مقدم
نادین کا کہنا ہے کہ فلسطین کی خاموشی اب ٹوٹ چکی ہے، اور دنیا کو بتانا ہوگا کہ فلسطینی عوام بھی اپنے حقوق اور شناخت کے لیے پرعزم ہیں۔
View this post on Instagram
اس سال کے مس یونیورس مقابلے میں متحدہ عرب امارات کی نمائندگی مریم کریں گی، جبکہ عراق، لبنان اور ایران کی حسینائیں بھی اس عالمی ایونٹ میں حصہ لیں گی۔ مشرق وسطیٰ کی ان نمائندہ خواتین کی شرکت اس بار کے مقابلے کو خاص اہمیت دے رہی ہے۔
