ٹی وی میزبان ندا یاسر نے کہا ہے کہ گھر پر کھانا ڈیلیور کرنے والے اکثر جھوٹ بولتے ہیں کہ ان کے پاس کھلے پیسے نہیں ہیں، جس کی وجہ سے وہ انہیں پورے بل کے پیسے دیتی ہیں۔
سوشل میڈیا پر وائرل ایک ویڈیو کلپ میں ندا یاسر نے اداکاراؤں کے ساتھ گفتگو کرتے ہوئے بتایا کہ اگر ڈیلیوری بوائے یہ کہہ دے کہ کھلے پیسے نہیں ہیں تو یہ غلط ہے۔ انہوں نے کہا کہ ایسی صورت میں، اگر میرے پاس بھی کھلے پیسے نہ ہوں تو میں ڈیلیوری بوائے کو کھڑا کر کے ڈرائیور کو کھلا کروانے بھیجتی ہوں تاکہ اگلی بار وہ جھوٹ نہ بولیں۔
نادا یاسر نے مزید کہا کہ یہ عادت بن گئی ہے کہ وہ کہتے ہیں "پیسے نہیں ہیں” تاکہ اگلے کسٹمر سے پورے پیسے وصول کیے جا سکیں۔
ان کی بات سے دیگر اداکاراؤں نے اتفاق کیا، تاہم سوشل میڈیا صارفین کی رائے منقسم رہی۔ کچھ نے ندا کی رائے سے اتفاق کیا، جبکہ بعض نے کہا کہ ڈیلیوری بوائز روزانہ اچھا خاصا کماتے ہیں اور اگر کچھ اضافی پیسے دے دیے جائیں تو اس میں کوئی حرج نہیں۔
