پاکستانی مذہبی اسکالر مفتی عبدالقوی نے بالی وُڈ اداکارہ ایشوریا رائے سے نکاح کے حوالے سے حیران کن دعویٰ کیا ہے۔
سوشل میڈیا پر وائرل ایک ویڈیو میں مفتی عبدالقوی نے کہا کہ اگر اداکارہ اور ان کے شوہر ابھیشیک بچن کے درمیان علیحدگی ہوئی تو دو سے چار ماہ کے اندر ایشوریا رائے کی جانب سے ان کے لیے نکاح کا پیغام آئے گا۔
جب میزبان نے سوال کیا کہ کیا ایک غیر مسلم خاتون سے شادی ممکن ہے، تو مفتی عبدالقوی نے مثال دیتے ہوئے کہا کہ اداکارہ راکھی ساونت نے اسلام قبول کیا اور ان کا نام فاطمہ رکھا گیا۔
اسی طرح وہ ایشوریا رائے کو مسلمان کریں گے اور ان کا نام عائشہ رائے رکھا جائے گا۔
ان بیانات کے بعد سوشل میڈیا صارفین نے مختلف ردعمل ظاہر کیے، کچھ نے ان دعوؤں کو مذاق اور بے بنیاد قرار دیا جبکہ بعض نے شدید تنقید بھی کی۔
یہ پہلی بار نہیں ہے کہ مفتی عبدالقوی نے کسی بھارتی اداکارہ سے شادی یا نکاح کا دعویٰ کیا ہو، اس سے قبل انہوں نے راکھی ساونت کے ساتھ شادی کی پیشکش کی تھی، جسے راکھی نے مزاحیہ انداز میں مسترد کر دیا تھا۔
تنقید کرنے والوں کا کہنا ہے کہ ایسے بیانات کا کوئی ٹھوس ثبوت نہیں اور یہ زیادہ تر توجہ حاصل کرنے کے لیے دیے جاتے ہیں۔
