سپر اسٹار مہوش حیات کی پاکستان کے مقبول ترین اداکار ہمایوں سعید کو فلرٹ ریٹ دینے کی ویڈیو سوشل میڈیا پر وائرل ہوگئی۔
مہوش حیات ان دنوں پاکستان سلیبرٹی کرکٹ لیگ (PCCL) کے لیے ٹیکساس کے شہر ہیوسٹن میں موجود ہیں۔ اس دوران مداحوں سے گفتگو کے دوران اداکارہ نے ہمایوں سعید کی مزاحیہ اور دوستانہ نیچر پر روشنی ڈالی۔
مداحوں کے سوال پر مہوش حیات نے بتایا کہ "ہمایوں کی نیچر کو فلرٹ نہیں کہا جا سکتا، لیکن وہ کافی دوستانہ اور مزاح سے بھرپور شخصیت کے مالک ہیں۔ جب ہم تینوں – مہوش، ہمایوں اور ڈائریکٹر ندیم بیگ – کسی پروجیکٹ پر کام کر رہے ہوتے ہیں تو ہمارے درمیان ایک مزاحیہ ٹرائی اینگل چلتا ہے کہ مہوش سے زیادہ نزدیک کون ہے۔”
اداکارہ نے واضح کیا کہ "ہم سب بہت اچھے دوست ہیں اور میں شادی شدہ مردوں کے ساتھ کام کرتی ہوں، لہٰذا ہمارے درمیان دوستی سے زیادہ کچھ نہیں، سب میرے لیے فیملی فرینڈ کی طرح ہیں۔”
تاہم ندا یاسر نے مہوش حیات سے مزید سوال کیا کہ اگر فلم اسٹارز ہمایوں سعید، فہد مصطفیٰ، اظفر رحمان اور احسن خان کو فلرٹنگ میں نمبر دینے ہوں تو وہ کس طرح نمبر دیں گی۔
اس کے جواب میں مہوش حیات نے کہا: "سرفہرست ہمایوں سعید، دوسرا نمبر احسن خان، تیسرا نمبر فہد مصطفیٰ۔ اظفر رحمان میرے دوست ہیں، ان کے ساتھ فلرٹ کا کوئی سین نہیں۔”
دوسری جانب ندا یاسر نے مداحوں سے پوچھا کہ مہوش کو کھانے میں سب سے زیادہ کیا پسند ہے۔ ایک خاتون مداح نے بریانی کا نام لیا، جس پر مہوش حیات نے ہنستے ہوئے کہا: "آپ میری سچی مداح ہیں۔”
