10
پاکستان کے نامور اور لیجنڈری گلوکار مہدی حسن مرحوم کے صاحبزادے سجاد مہدی انتقال کر گئے ہیں۔ اہلِ خانہ کے مطابق سجاد مہدی، جو ڈی ایس پی کے عہدے سے ریٹائرڈ تھے، کو دل کا دورہ پڑا جو جان لیوا ثابت ہوا، جس کے بعد وہ خالقِ حقیقی سے جا ملے۔
اہلِ خانہ نے بتایا ہے کہ مرحوم کی نمازِ جنازہ آج بعد از نمازِ ظہر لاہور میں ادا کی جائے گی، جس میں اہلِ خانہ، قریبی عزیز و اقارب اور مختلف شعبۂ زندگی سے تعلق رکھنے والے افراد کی شرکت متوقع ہے۔
سجاد مہدی کے انتقال کی خبر سن کر شوبز اور موسیقی سے وابستہ حلقوں میں بھی گہرے رنج و غم کا اظہار کیا جا رہا ہے، جبکہ مداحوں کی جانب سے مرحوم اور ان کے اہلِ خانہ کے لیے دعاؤں کا سلسلہ جاری ہے۔
