6
بالی ووڈ کے سینئر اداکار ستیش شاہ انتقال کر گئے، وہ 74 برس کے تھے۔
غیر ملکی میڈیا رپورٹس کے مطابق، ستیش شاہ طویل عرصے سے گردوں کے عارضے میں مبتلا تھے اور ممبئی کے ایک اسپتال میں زیرِ علاج تھے۔ حال ہی میں ان کا کڈنی ٹرانسپلانٹ بھی کیا گیا تھا، تاہم وہ جانبر نہ ہو سکے۔
اداکار کے مینیجر نے ان کے انتقال کی تصدیق کرتے ہوئے بتایا کہ ستیش شاہ کی لاش اسپتال میں موجود ہے اور ان کی آخری رسومات اتوار کے روز ادا کی جائیں گی۔
ستیش شاہ نے متعدد بالی ووڈ فلموں اور ٹی وی شوز میں شاندار اداکاری کے جوہر دکھائے۔ انہیں خاص طور پر فلم “میں ہوں ناں” میں تھوک پھینک کر بات کرنے والے پروفیسر مسی مسی کے کردار سے شہرت ملی۔
ابھیشیک بچن نے 25 سالہ کیریئر میں پہلی بار بہترین اداکار کا فلم فیئر ایوارڈ جیت لیا
ان کے انتقال پر بالی ووڈ کی کئی شخصیات نے افسوس کا اظہار کرتے ہوئے انہیں ہنسی، توانائی اور اداکاری کا لازوال فنکار قرار دیا ہے۔
