اکیلا پن یا معیار؟
پاکستانی ڈرامہ انڈسٹری کے معروف اداکار ہمایوں اشرف نے حال ہی میں ایک ویب شو میں شرکت کے دوران اپنی شادی نہ کرنے کی وجوہات پر کھل کر بات کی، ان سے سوال کیا گیا کہ آج کل کئی مرد شادی سے گریز کیوں کر رہے ہیں؟ اس پر ہمایوں اشرف کا کہنا تھا کہ اکیلے رہتے رہتے انسان کو تنہائی کی عادت ہو جاتی ہے، اور پھر شادی کے لیے جو معیار ذہن میں ہوتا ہے، وہ بھی ایک اہم رکاوٹ بن جاتا ہے۔
مشاہدات سے سبق
ہمایوں اشرف نے مزید کہا کہ ہم اپنے اردگرد جو شادیاں دیکھتے ہیں، ان سے بہت کچھ سیکھتے ہیں، یہ تجربات انسان کو حقیقت پسندی کی جانب لے جاتے ہیں، اور یہی سوچ شادی کے فیصلے میں بھی اثر انداز ہوتی ہے۔
رومانوی نظریے سے حقیقت پسندی تک
اداکار کا کہنا تھا کہ اگر کوئی انسان حقیقت پسند نہ ہو تو اس کی شادی کامیاب ہونے کے امکانات کم ہوتے ہیں، شادی ایک سنجیدہ فیصلہ ہےاور اسے صرف تب ہی کرنا چاہیے جب آپ کو وہ شخص ملے جو آپ کی شخصیت، سوچ اور زندگی کے نظریے سے ہم آہنگ ہو۔
ابھی تک وہ ساتھی نہیں ملا
ہمایوں اشرف نے صاف گوئی سے کہا کہ ابھی تک انہیں ایسا کوئی شخص نہیں ملا جو ان کے معیار پر پورا اترے، اسی لیے وہ شادی کے معاملے میں جلد بازی نہیں کر رہے۔
پاکستانی معاشرے میں شادی اور رشتوں کے حوالے سے بہت سی حساس باتیں ہیں، خاص طور پر کم عمر بچوں کی شادی کو روکنے کے لیے حکومت نے سخت اقدامات کیے ہیں۔ حال ہی میں کم عمر بچوں کی شادی کروانے والوں کے خلاف سخت قانونی سزاؤں کا اعلان کیا گیا ہے، جس سے اس مسئلے کو قابو پانے میں مدد ملے گی۔
