پاکستانی اداکارہ ہانیہ عامر کی موٹر سائیکل پر ڈانس کرتی ہوئی ویڈیو اور خوشگوار لمحات کی تصاویر انسٹاگرام پر وائرل ہو گئیں۔
پاکستانی شوبز انڈسٹری کی معروف اداکارہ ہانیہ عامر کی موٹر سائیکل پر ڈانس کرتی ایک ویڈیو سوشل میڈیا پر تیزی سے وائرل ہو رہی ہے۔ ہانیہ نے انسٹاگرام پر اپنی نئی پوسٹ میں موٹر سائیکل پر ڈانس کی ویڈیو کے علاوہ دوستوں کے ساتھ گھڑسواری اور دیگر سرگرمیوں سے لطف اندوز ہوتے خوشگوار لمحات بھی شیئر کیے ہیں۔
ویڈیو میں ہانیہ کو کراچی کی سڑکوں پر موٹر سائیکل پر بیٹھ کر انجوائے کرتے اور رقص کرتے دیکھا جا سکتا ہے، جسے مداحوں نے بہت پسند کیا ہے۔ اداکارہ کے یہ لمحات ان کے سوشل میڈیا فالوورز کے درمیان خاصی مقبول ہو رہے ہیں۔
اس سے قبل ہانیہ عامر کی گلوکار عاصم اظہر کے کنسرٹ سے ایک ویڈیو بھی وائرل ہوئی تھی، جس میں وہ اپنی قریبی دوست اداکارہ یشما گل کے ساتھ اسٹیج کے سامنے ‘غلط فہمی’ گانے پر ڈانس کرتی نظر آئیں۔ ان دونوں کی مماثل پوسٹس نے سوشل میڈیا پر کافی چرچا پیدا کیا تھا۔
View this post on Instagram
ہانیہ عامر ہمیشہ سے اپنے مداحوں کے ساتھ جڑی رہتی ہیں اور اپنی دلچسپ تصاویر و ویڈیوز کی وجہ سے سوشل میڈیا صارفین کی توجہ کا مرکز بنی رہتی ہیں۔ ان کے تازہ ویڈیوز اور تصاویر نے ایک بار پھر ان کے فینز کو خوش کر دیا ہے۔
ہانیہ عامر نے اپنے سوشل میڈیا پلیٹ فارمز پر سرگرمیوں کے ذریعے نوجوانوں کے درمیان خاص پہچان بنائی ہے اور ان کی متحرک زندگی کے لمحات اکثر و بیشتر وائرل ہوتے رہتے ہیں۔
