6
لاہور کی عدالت نے معروف یوٹیوبر سعد الرحمان المعروف ڈکی بھائی کے جسمانی ریمانڈ میں پانچ دن کی توسیع کر دی۔
کیس کی سماعت جوڈیشل مجسٹریٹ نعیم وٹو نے کی، جہاں ڈکی بھائی کو 4 روزہ ریمانڈ مکمل ہونے پر عدالت میں پیش کیا گیا۔
نیشنل سائبر کرائم انویسٹی گیشن ایجنسی نے یوٹیوبر پر جوئے کی ایپ کو پروموٹ کرنے کا الزام عائد کرتے ہوئے مزید تفتیش کے لیے ریمانڈ میں توسیع کی درخواست کی، جسے عدالت نے منظور کر لیا۔
ڈکی بھائی پر الزام ہے کہ انہوں نے سوشل میڈیا پلیٹ فارمز پر ممنوعہ جوئے کی ایپ کی تشہیر کی، جو قانون کی خلاف ورزی ہے۔ کیس کی مزید تفتیش جاری ہے۔
