10
ممبئی: بالی وڈ اداکارہ دپیکا پڈوکون کی چھوٹی بہن انیشا پڈوکون جلد شادی کے بندھن میں بندھنے والی ہیں۔
بھارتی میڈیا کے مطابق انیشا کی منگنی روہن آچاریہ سے ہوئی ہے، جو فلمی دنیا سے تعلق رکھتے ہیں۔ روہن، دریشا آچاریہ کے بھائی ہیں جن کی شادی کرن دیول (سنی دیول کے بیٹے) سے ہوئی تھی۔
اگرچہ پڈوکون خاندان کی جانب سے باضابطہ اعلان سامنے نہیں آیا، لیکن دکن کرانیکل کو قریبی ذرائع نے بتایا کہ اس رشتے میں بالی وڈ اداکار رنویر سنگھ نے اہم کردار ادا کیا۔ ذرائع کے مطابق رنویر سنگھ کے والدین اور سُمِت آچاریہ کے خاندان کے درمیان گہرے تعلقات ہیں، اور متعدد تقریبات میں ملاقاتوں کے دوران انیشا اور روہن کے درمیان قربت بڑھی۔
شادی کی تاریخ کا اعلان تاحال نہیں کیا گیا، جبکہ دونوں نے اپنی محبت کو میڈیا کی نظروں سے دور رکھا۔ اطلاعات کے مطابق دپیکا پڈوکون اور رنویر سنگھ دونوں روہن آچاریہ کو انسٹاگرام پر فالو کرتے ہیں۔
