7
نیویارک: عالمی شہرت یافتہ امریکی فیشن میگزین ’پیپل‘ نے سال 2025 کے دنیا کے پرکشش ترین مرد کا اعزاز 37 سالہ برطانوی اداکار جوناتھن بیلی کے نام کر دیا۔
یہ اعلان معروف امریکی شو "The Tonight Show Starring Jimmy Fallon” میں کیا گیا، جہاں جوناتھن بیلی کے انتخاب کا باضابطہ اعلان ناظرین کے سامنے کیا گیا۔
جوناتھن بیلی نیٹ فلکس کی مشہور سیریز "Bridgerton” میں لارڈ انتھونی بریجرٹن کے کردار کے باعث عالمی شہرت حاصل کر چکے ہیں۔ اس کردار نے انہیں نہ صرف فینز کا پسندیدہ بنایا بلکہ ہالی وڈ میں ان کے کیریئر کے لیے نئی راہیں بھی کھول دیں۔
اس کامیابی کے بعد بیلی نے بڑی فلموں میں اہم کردار ادا کیے، جن میں "Jurassic World Rebirth”، "Wicked” اور اس کی آنے والی سیکوئل "Wicked: For Good” شامل ہیں۔
یاد رہے کہ گزشتہ سال یہ اعزاز امریکی اداکار جان کرسنسکی کے حصے میں آیا تھا، جب کہ اس سال بیلی کا انتخاب ان کے دلکش انداز، شائستگی اور فنی مہارت کی بنیاد پر کیا گیا ہے۔
