161
اداکارہ رانی مکھرجی کی جانب سے ایشوریا رائے سے دوستی سے خاتمے کے متعلق سوال کا جواب دیا گیا ہے۔
ایشوریا رائے اور رانی مکھرجی کی کسی زمانے میں گہری دوستی ہوا کرتی تھی جو ختم ہوگئی لیکن اس کے پیچھے چھپی باتوں سے مداح لاعلم تھے۔
غیر ملکی میڈیا کے مطابق رانی مکھرجی کے پرانے انٹرویو پر ایک رپورٹ شائع کی گئی ہے جس میں انہوں نے کافی ودِ کرن پروگرام میں کرن جوہر کے سوال پر ایشوریا سے تعلقات ختم ہونے کے متعلق سوال جواب دیا۔
اداکارہ رانی مکھر جی نے سوال پر ردعمل دیتے ہوئے یہ کہا کہ میرے ایشوریا کیساتھ کسی قسم کے نجی مسائل نہیں تھے، میرے کسی کے ساتھ کوئی مسئلے نہیں ہیں، شاید ایشوریا کو کوئی مسئلے ہوں، کیونکہ اداکارہ نے مجھ سے فون پر بات کرنا چھوڑ دی تھی۔
اداکارہ کا کہنا تھا کہ میں اس سے اب تک کسی تقریب میں بھی نہیں ملی لیکن میرا خیال ہے کہ جب ہم سامنے سے کہیں ملاقات کریں گے تو سب ٹھیک ہوجائے گا۔
