195
اداکارہ سعدیہ امام کی جانب سے یہ انکشاف کیا گیا ہے کہ ان کی شادی کا جوڑا تیاری کے وقت جل گیا تھا۔
سعدیہ امام نے ایک نجی ٹی وی کے مارننگ شو میں شرکت کی جہاں انہوں نے اپنی شادی کے حوالے سے گفتگو کی۔
اداکارہ نے شادی کے جوڑے کے متعلق بات کرتے ہوئے یہ بتایا کہ میں کپڑوں کا کام کرتی تھی، شادی کے جوڑے پر کام ہورہا تھا کہ اس دوران شاٹ سرکٹ ہوا، پورا کارخانہ جلا تو میری شادی کا جوڑا بھی جل گیا‘۔
اداکارہ سعدیہ امام کا کہنا تھا کہ وہ میری امی کا پسندیدہ رنگ تھا، مجھے بہت افسوس ہوا، میں نے اپنی ایک کسٹمر کو ویسا ہی جوڑا بنا کردیا تھا جو اس نے اپنی شادی پر پہننا تھا تو میں نے کسٹمر سے اس جوڑے کی تصویر مانگنی جس پر اس لڑکی نے مجھے کہا کہ آپ میرا جوڑا پہن لیں میری شادی کی تاریخ آپ کے بعد ہے۔
اداکارہ سعدیہ امام کا مزید یہ کہنا تھا کہ میں نے اپنی شادی پر اس لڑکی کا جوڑا پہنا تھا اور بعد میں پھر ویسا ہی نیا جوڑا بنوا کردیا تھا۔
