معروف اداکارہ مہوش حیات کے یورپ میں سیرو تفریح کی تصاویر سوشل میڈیا پر وائرل ہو گئیں۔
لاہور، پاکستانی شوبز انڈسٹری کی معروف اور حسین اداکارہ مہوش حیات کے یورپ میں سیر سپاٹوں کی تصاویر سوشل میڈیا پر وائرل ہو گئیں۔
حال ہی میں اداکارہ مہوش حیات کی جانب سے فوٹو اینڈ ویڈیو شیئرنگ ایپ انسٹاگرام پر اپنے آفیشل اکاؤنٹ سے چند تصاویر شیئر کی گئیں، کہ جنہیں دیکھتے ہی مداح انکے دیوانے ہوگئے۔
شیئر کردہ تصاویر میں اداکارہ نے بلیو جینز اور سویٹ شرٹ کے ساتھ گہرے نیلے رنگ کا کوٹ پہنا ہوا ہے اور یورپی ملک کی سیرو تفریح سے محظوظ ہو رہی ہیں۔
اس موقع پر حسین اداکارہ نے بال کھول رکھے ہیں اور سن گلاسز لگائے سوشل میڈیا صارفین کی توجہ اپنی طرف مبذول کررہی ہیں، ہلکے میک اپ میں نازک ادائیں مہوش کے حسن میں مزید نکھار پیدا کررہی ہیں۔
تصاویر نے سوشل میڈیا پر آتے ہی صارفین کی توجہ سمیٹ لی ہے، سوشل میڈیا صارفین کمنٹ سیکشن میں اداکارہ کو بالی ووڈ اداکارہ پریانکا چوپڑا سے تشبیہ دے رہی ہیں۔
