کراچی، اداکارہ مریم نفیس کا یہ کہنا ہے کہ پاکستانی مردوں نے ملک میں ایسا ماحول بنا دیا ہے کہ خواتین غیر محفوظ ہوگئی ہیں۔
اداکارہ مریم نفیس کا پوڈ کاسٹ انٹرویو میں یہ کہنا تھا کہ مردوں نے ایسا ماحول بنا دیا ہے کہ خواتین پاکستان میں بالکل غیر محفوظ ہیں۔
مریم نفیس کا یہ کہنا تھا کہ پاکستانی قوم کی اکثریت کرپٹ، کاہل اور اعتبار کے بالکل قابل نہیں ہے، ہم کرپٹ ہیں اور یہاں کوئی بھی کام میرٹ پر نہیں ہوتا۔
حسین اداکارہ کا یہ کہنا تھا کہ میں کراچی کے سسٹم سے خوش نہیں ہوں، کراچی دنیا کا دوسرا سب سے خطرناک شہر بن چکا ہے، یہاں کے لوگ بہت اچھے ہیں تاہم کوئی اونرشپ لینے کو بالکل تیار نہیں ہے۔
مریم نفیس کا یہ کہنا تھا کہ میں پاکستان میں خود کو غیرمحفوظ تصور کرتی ہوں، مردوں نے پاکستان میں خواتین کے لیے غیر محفوظ ماحول بنایا ہے۔
اداکارہ کا مزید یہ کہنا تھا کہ پاکستان میں صرف سیاسی و معاشی عدم استحکام اور دیگر مسائل ہی نہیں بلکہ اغوا، ہراساں کرنا، زیادتی اور قتل جیسے سنگین مسائل بھی موجود ہیں۔
