اداکارہ حریم فاروق نے یہ نکشاف کیا ہے کہ بچپن میں انہیں لیڈی ڈیانا جیسی شہزادی بننے کا بہت شوق تھا۔
لاہور، پاکستان شوبز انڈسٹری کی حسین اداکارہ حریم فاروق کی جانب سے انکشاف کیا گیا ہے کہ بچپن میں انہیں احساس ہوتا تھا کہ وہ شاہی خاندان کا حصہ ہیں اور وہ ہر لمحے لیڈی ڈیانا جیسی شہزادی بننے کے خواب دیکھتی تھیں۔
حریم فاروق نے حال ہی میں نجی ٹی وی شو میں شرکت کی جہاں ان کے ساتھ سویرا ندیم سمیت بسمل کی ٹیم کے دیگر اداکاروں نے بھی شرکت کی۔
پروگرام کے دوران ایک سوال کے جواب میں حریم فاروق کا یہ کہنا تھا کہ انہیں بچپن سے ہی لیڈی ڈیانا جیسی حسین شہزادی بننے کا اشتیاق تھا اور وہ ہر وقت والدین سے یہی پوچھتی رہتی تھیں کہ ان کا شاہی خاندان سے کیا رشتہ ہے۔
اداکارہ کا یہ کہنا تھا کہ انہیں لگتا تھا کہ وہ شاہی خاندان کا حصہ ہیں اور انہیں لیڈی ڈیانا جیسی خوبرو شہزادی بننے کا شوق ہوتا تھا لیکن والدین انہیں ہمیشہ ایسے خواب دیکھنے سے منع کرتے اور اس معاملے میں سمجھاتے تھے۔
اداکارہ حریم فاروق کا یہ کہنا تھا کہ جب ان کے ذہن سے لیڈی ڈیانا بننے کا بھوت اترا تو انہوں نے سماجی رہنما مدر ٹریسا جیسا بننے کا سوچا، پھر میں نے غور کیا کہ مدر ٹریسا جیسا بننے کے لیے انہیں کافی قربانیاں دینا پڑیں گی، انہیں بہت کچھ چھوڑنا پڑے گا، جو ایک بہت مشکل کام ہے، لہذا انہیں یہ ارادہ بھی ترک کرنا پڑا۔
