150
لاہور کی انسداد دہشتگردی عدالت کی جانب سے معروف ڈرامہ نگار خلیل الرحمان قمر کو ہنی ٹریپ کرنے کے کیس میں گرفتار ملزمہ آمنہ عروج کی درخواست ضمانت خارج کردی گئی ہے۔
جج انسداد دہشتگری عدالت ارشد جاوید نے کیس کے متعلق سماعت کی، خلیل الرحمان قمر کے وکیل زین علی قریشی اور مدثر چوہدری نے دلائل دیے۔
انسداد دہشتگردی عدالت کی جانب سے وکلا کے دلائل مکمل ہونے کے بعد فیصلہ سنایا گیا، یاد رہے کہ آمنہ عروج نے مقدمے میں ضمانت پر رہائی کی درخواست دائر کر رکھی تھی۔
واضح رہے کہ معروف لکھاری کو مبینہ طور پر اغوا کرنے کی کوشش کا معاملہ جولائی کے آغاز میں سامنے آیا تھا، جس پر پولیس کی جانب سے کارروائی کرتے ہوئے تقریبا تمام ملزمان کو حراست میں لے لیا گیا تھا۔
ملزمہ اور ان کے دیگر ساتھی ملزمان ریمانڈ پر پولیس کی تحویل میں ہیں، 17 اگست کو ملزمان کو مزید 15 دن کے ریمانڈ پر پولیس کے حوالے کیا گیا تھا۔
