معروف و حسین اداکار احسن خان نے کرش سے متعلق سوال پر دلچسپ جواب دے کر مداحوں کو خوش کردیا۔
احسن خان نے حال ہی میں نجی ٹی وی کے مزاحیہ شو میں مہمان کی حیثیت سے شرکت کی۔
کرش کے حوالے سے ایک سوال کے جواب میں احسن خان کا کہنا تھا کہ جب آپ کے بچے بڑے ہو رہے ہوں اور آپ کی بیوی بھی آپ کا انٹرویو سن رہی ہو تو میرے خیال میں دوسری خواتین کی تعریف نہیں کرنی چاہیے، اپنی زوجہ کی تعریف کرنی چاہیے۔
اداکار احسن کا کہنا تھا میں اپنی اہلیہ کی عزت و احترام میں کبھی بھی اپنے کرش کے بارے میں بات کرنا پسند نہیں کرنا چاہوں گا۔
احسن خان نے یہ بھی کہا کہ دنیا میں بہت سے خوبصورت لوگ اور چہرے ہیں، آپ کو کوئی نہ کوئی پسند آ ہی جاتا ہے، مگر اس بارے میں، بات نہیں کرنا چاہوں گا۔
دوسری جانب اداکارہ نمرہ خان کا کہنا تھا کہ پردے اور حجاب کا مطلب ہوتا ہے کہ جسم اور چہرے کو مکمل طور پر ڈھانپنا، حجاب کا مقصد صرف بالوں اور چہرے کو آدھا چھپانا نہیں ہوتا، اللہ تعالیٰ ہمیں بھی توفیق دے۔
معروف اداکارہ کا کہنا تھا کہ میں یہ نہیں کہہ رہی کہ میں جو کررہی ہوں وہ بالکل صیحیح ہے یا غلط، یہ سب میرا اور اللہ کی ذات معاملہ ہے۔
