156
ممبئی، بھارتی ماڈل اور حسین اداکارہ ماہی وج کو چکن گونیا کی تشخیص ہوئی ہے۔
حسین اداکارہ ماہی وج کو ممبئی کے ہسپتال میں داخل کروا دیا گیا۔ دہلی سے تعلق رکھنے والی 42 سالہ اداکارہ گزشتہ چند روز سے ٹھیک محسوس نہیں کر رہی تھیں، اداکارہ کو بخار کیساتھ جوڑوں میں بھی درد تھا۔
اسکے بعد اداکارہ نے اپنی صحت کے حوالے سے ہسپتال میں معائنے کروانے کا فیصلہ کیا جہاں ان میں چکن گونیا کی تشخیص ہوئی ہے۔
یاد رہے کہ خوبرو اداکارہ کی وجہ شہرت ’بالیکا ودھو‘ اور ’لگی تجھ سے لگن“ کے شوز ہیں۔
دوسری جانب پاکستان شوبز انڈسٹری کی معروف اداکارہ ارمینا خان کی کار کو ٹرک کے ٹکر مارنے کا افسوسناک واقعہ پیش آیا ہے۔ خوش قسمتی سے اداکارہ اس کار حادثے میں مکمل طور پر محفوظ رہی ہیں۔
نجی ٹی وی چینل کے مطابق انسٹاگرام پر اداکارہ کی جانب سے مختلف سٹوریز شیئر کی گئیں، جس میں گاڑی کے حادثے کے حوالے سے مداحوں کو بتایا گیا ہے۔
