214
گلوکار اور سماجی رہنما ابرار الحق اگر سابق وزیراعظم عمران خان کی جانب سے جیل سے رہائی کے بعد مجھ سے رابطہ کیا گیا تو میں پاکستان کیلئے ضرور کام کروں گا۔
نجی ٹی وی چینل کے شو میں گفتگو کے دوران ابرار الحق کا کہنا تھا کہ پاکستان کے کالم نگار حسن نثار نے کہا کہ میرا بس چلے تو جولائی میں بچوں کی پیدائش پر پابندی لگادوں۔
ابرار الحق کی جانب سے حسن نثار کے مؤقف کی وضاحت کرتے ہوئے یہ بتایا گیا کہ جولائی میں برج سرطان سے تعلق رکھنے والے لوگ پیدا ہوتے ہیں اور اس برج سے تعلق رکھنے والے اس حد تک حساس ہوتے ہیں کہ ایسے لوگ دوسروں کی خاطر اپنی زندگیاں داؤ پر لگا دیتے ہیں، ایسے لوگ دوسروں کا بہت احساس کرتے ہیں۔
دوسری جانب سیاست میں دوبارہ آنے سے متعلق ابرار الحق کا کہنا تھا کہ میں اس وقت سیاست سے توبہ کی ہوئی ہے، کیونکہ ابھی سیاست نہیں ہورہی اگر سیاست ہوگی تو دیکھیں گے۔
ابرار الحق نے کہا کہ اگر سابق وزیراعظم عمران خان جیل سے رہائی کے بعد مجھ سے رابطہ کریں گے تو میں پاکستان کیلئے ضرور کام کروں گا۔
