معروف اداکارہ بشریٰ انصاری نے کارساز واقعے پر گہر ے دکھ کا اظہار کیا ہے۔
پاکستانی شوبز انڈسٹری کی سینئر اداکارہ بشریٰ انصاری نے کارساز واقعے پر شدید غصے کا اظہار کرتے ہوئے پراڈو والی پاگل کے عنوان سے شاعری سنائی۔
چند روز پہلے کارساز پر اپنی گاڑی کی ٹکر سے باپ بیٹی کو قتل کرنے والی خاتون کو سوشل میڈیا پر شدید تنقیص کا نشانہ بنایا جا رہا ہے۔
اسی متعلق اداکارہ بشریٰ انصاری کی جانب سے اپنے سوشل اکاؤنٹ انسٹاگرام پر ایک ویڈیو شیئر کی گئی ہے جس میں بشریٰ انصاری نے حادثے میں باپ بیٹی کی ہلاکت پر گہرے افسوس کا اظہار کیا ہے اور خاتون پر شدید غصے میں نظر آئی ہیں۔
اداکارہ نے ویڈیو میں گہرے افسوس کا اظہار کرتے ہوئے یہ کہا کہ کارساز واقعے میں ہونے والی ناانصافی ہم دیکھ رہے ہیں اور یہ نئی بات نہیں ہے، خاتون نشے میں تھی سب کو نظر آرہا تھا، نشے کی حالت میں خاتون نے کیڑے مکوڑوں کو کچل دیا۔
اس کے بعد اداکارہ کی جانب سے اپنی بڑی بہن شاعرہ نیلم احمد بشیر کی پراڈو والی پاگل کے عنوان سے لکھی گئی شاعری بھی پڑھ کر سنائی گئی۔
View this post on Instagram
