بالی ووڈ کے معروف اداکار عامر خان کی سابقہ دونوں اہلیہ کی ایک ساتھ عید منانے کی تصویریں سوشل میڈیا پر مقبول ہو رہی ہیں۔
فلمساز کرن راؤ نے عامر خان کے اہلخانہ کے ساتھ عید مناتے ہوئے تصاویر انسٹاگرام پر شیئر کیں، جن میں عامر کی پہلی اہلیہ رینا دتہ بھی موجود تھیں، خاص طور پر رینا دتہ اور کرن راؤ کی سیلفی صارفین کی توجہ کا مرکز بنی ہوئی ہے۔
کرن راؤ کی پوسٹ میں پہلی تصویر میں عامر خان کی والدہ زینت حسین نظر آئیں، جبکہ دیگر تصاویر میں رینا دتہ، عامر کی بہنیں نکھت ہیگڑے اور فرحت دتہ بھی شامل تھیں۔ تاہم، عامر خان خود ان تصاویر میں موجود نہیں تھے۔
کرن نے کیپشن میں لکھا:”امی کے ہاں عید! جو سب سے بہترین اور سب سے خوبصورت میزبان ہیں، ہم امید اور دعا کرتے ہیں کہ یہ سال ہم سب کے لیے امن اور خوشی لائے۔”
سوشل میڈیا صارفین نے کرن راؤ اور ان کے اہلخانہ کو عید کی مبارکباد دیتے ہوئے نیک تمناؤں کا اظہار کیا، جبکہ کچھ صارفین عامر خان کی دونوں سابقہ بیویوں کو ساتھ دیکھ کر حیران بھی رہ گئے۔
