گجرات پولیس نے شاہین چوک کے قریب فلیٹ پر چھاپہ مار کر دو مرد اور دو خواتین کو حرام کاری میں ملوث پاتے ہوئے گرفتار کرلیا۔
گجرات،تھانہ شاہین پولیس نے شاہین چوک کے قریب ایک فلیٹ پر چھاپہ مار کر فحاشی کے اڈے سے دو مرد اور دو خواتین کو گرفتار کرلیا۔ پولیس کے مطابق کارروائی خفیہ اطلاع پر عمل میں لائی گئی جس کے تحت یہ بتایا گیا تھا کہ علاقے کے ایک فلیٹ میں حرام کاری کا دھندا جاری ہے۔
چھاپے کے دوران پولیس نے موقع پر موجود افراد کو حراست میں لے لیا اور ابتدائی تفتیش کے بعد قبحہ خانہ چلانے کے الزام میں ایک مرد اور ایک خاتون کو مرکزی ملزم قرار دیا ہے۔
پولیس ذرائع کا کہنا ہے کہ اس فلیٹ میں غیر اخلاقی سرگرمیوں کا سلسلہ کافی دنوں سے جاری تھا جس پر اہل محلہ کی شکایات بھی موصول ہو رہی تھیں۔
چھاپے کے بعد علاقے میں لوگوں نے پولیس کی کارروائی کو سراہا اور کہا کہ اس طرح کی کارروائیوں سے علاقے میں امن و سکون قائم ہوگا۔ پولیس نے ملزمان کے خلاف مقدمہ درج کرکے مزید تفتیش شروع کردی ہے تاکہ یہ معلوم کیا جا سکے کہ اس دھندے میں کون ملوث ہے۔
