8
مسلح ڈاکوؤں کی دیدہ دلیری، تھانہ کنجاہ میں مقدمہ درج، تفتیش جاری
گجرات کے علاقے کوٹ موجدین کے قریب پیش آنے والے ایک سنگین واقعے میں لنگے گاؤں کے رہائشی شہری ظہیر عباس کو مسلح ڈاکوؤں نے نشانہ بنا ڈالا۔
پولیس کے مطابق ظہیر عباس کسی ذاتی کام کے سلسلے میں موجدین کے قریب موجود تھا کہ اچانک ڈاکوؤں نے اسے گن پوائنٹ پر روک لیا اور 2 لاکھ 45 ہزار روپے کی نقدی چھین کر فرار ہو گئے۔
متاثرہ شہری کی درخواست پر تھانہ کنجاہ پولیس نے فوری کارروائی کرتے ہوئے مقدمہ درج کر لیا ہے اور ملزمان کی تلاش کے لیے تفتیش کا آغاز کر دیا گیا ہے۔
یاد رہے کہ گجرات اور اس کے گرد و نواح میں حالیہ دنوں میں راہزنی اور لوٹ مار کے واقعات میں تشویشناک اضافہ دیکھنے میں آیا ہے، جس سے شہریوں میں عدم تحفظ کا احساس بڑھ رہا ہے۔ عوامی حلقوں کی جانب سے پولیس پر زور دیا جا رہا ہے کہ وہ ایسے عناصر کے خلاف مؤثر آپریشن کرتے ہوئے امن و امان کو یقینی بنائے۔
